راچڵەكین -

لەنزیك تەلئەڤیڤ-ی پایتەختی ئیسرائیل بارهەڵگرێك خۆی بە ژمارەیەك هاووڵاتیدا كێشاو بەهۆیەوە شەش كەس گیانیان لەدەستداو دەیان كەسی دیكەش بریندار بوون.

میدیاكانی ئیسرائیل بڵاویانكردەوە، ئەمڕۆ یەكشەممە، لەشارۆچكەیەكی نزیك تەلئەڤیڤ-ی پایتەختی ئەو وڵاتە، بارهەڵگرێك خۆی بە دەیان كەس لە وێستگەیەكی هاتووچۆی گشتیدا كێشاو بەپێی ئامارە سەرەتاییەكانیش، شەش كەس گیانیان لەدەستداو 36 كەسی دیكەش بریندار بوون، كە برینی هەندێكیان سەختە.

پۆلیسی ئیسرائیل لە راگەیەندراوێكدا بڵاویكردەوە، شۆفێری بارهەڵگرەكە هاووڵاتییەكی فەلەستینی بووەو لەدوای رووداوەكە تەقەی لێکراوەو كوژراوە.