راچڵەكین -
لەسنووری پارێزگای كەركوك هێرش كرایە سەر هێزێكی سوپای عیراق و بەپێی ئامارە سەرەتاییەكانیش، حەوت چەكداری سوپا كوژران و بریندار بوون.
عەمید میقداد میری، وتەبێژی وەزارەتی ناوخۆی عیراق و شانەی راگەیاندنی ئەمنی، لە راگەیەندراوێكدا بڵاویكردەوە، ئەمڕۆ چوارشەممە، هێزێكی سەر بە هەواڵگریی سوپای عیراق، لە دۆڵی زغێتونی سنووری ناحیەی رەشاد لە پارێزگای كەركوك، كەوتنە ناو بۆسەیەكی تیرۆریستان و لەئەنجامدا چوار چەكداری سوپا كوژران و سێ چەكداری دیكەش بریندار بوون.
لەدوای رووداوەكە، هێزێكی زۆری سوپای عیراق، بەرەو ناوچەكە بەڕێكەوتن بۆ راوەدانی تیرۆریستان، كە لەدوای ئەنجامدانی كردەوەكەیان، بەرەو شوێنێكی نادیار هەڵاتن.