راچڵەكین -
بەهۆی گەیشتنی زریانی هیلین بۆ ناو ویلایەتی فلۆریدا، باری نائاسایی راگەیەندراو بەپێی ئامارە سەرەتاییەكانیش، سێ كەس گیانیان لەدەستداوەو سەدان هەزار كەسیش بەبێ كارەبا ماونەتەوە.
میدیاكانی ئەمریكا بڵاویانكردەوە، بەهۆی زریانی هیلین كە بەشێوەیەكی بەهێز تەواوی ویلایەتی فلۆریدای گرتووەتەوەو خێرایی با گەیشتووەتە 225 كم لە كاتژمێرێكدا، باری نائاسایی لەو ویلایەتە راگەیەندراوەو تەواوی تیمەكانی فریاگوزاریش خراونەتە حاڵەتی ئامادەباشییەوە.
بەهۆی زریانەكەوە، تائێستا سێ كەس گیانیان لەدەستداوەو تەزووی كارەباش لەسەر ملیۆنێك و 200 هەزار خانوو پچڕاوە، هاوكات لەچەند شوێنێكی شارەكەش لافاو دروستبووە.