راچڵەکین-

ئەمڕۆ پێنجشەممە 26-9-2024، لە کۆبوونەوەی لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان)، نرخی کیلۆواتی کارەبای موەلیدەی بۆ مانگی 9 دیاریکرا، کە بریتییە لە 253 دینار بۆ هەر کیلۆواتێک.

بەڕێوەبەرایەتی گشتی کارەبای سلێمانی بڵاویکردەوە، بەگوێرەی نرخی گازوایل لە بازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە، نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە ئەیلول بریتییە لە 253 دینار.

بۆ مانگى 8 "ئاب" نرخى کیلۆواتێک کارەباى موەلیدەى ستییەکان 260 دینار بوو.

لە بڵاوکراوەکەی کارەبای سلێمانی هاتووە: سەرجەم ستیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.