ڕاچڵەکین سپۆرت -

 

لەچوارچێوەی یارییەکانی گەڕی چوارەمی خولی نایابی ئینگلتەرا، هەردوو یانەی مان سیتی و برینتفۆرد لە نێو یاریگای ئیتیحاد ڕووبەڕووی یەکبوونەوە.

هەر لەگەڵ دەستپێکردنی یارییەکە و لەدوای 22 چرکە ویسا تۆڕی ئیدیرسۆنی هەژاند و یانەی میوانی پێشخست، بەڵام لە دوای 18 خولەک گۆڵکاری پرێمەرلیگ و سیتیزن ئیرلینگ هالاند یارییەکەی یەکسانکردەوە.

ئیرلینگ هالاند بەو گۆڵە نەوەستا و توانی گۆڵی دووەم بۆ شین پۆشەکان بکات و لەکۆتاییدا یارییەکە بە ئەنجامی 2-1 لەبەرژەوەندی کوڕانی پیپ گواردیۆلا کۆتاییهات.

بەم ئەنجامەش یانەی مان سیتی لەکۆی چوار یاریی 12 خاڵی هەیە و لە پێشەنگی خولەکەیە.

ڤیدیۆ: