راچڵەكین -
وەزارەتی سامانە سروشتییەكان لەپێناو هەرزانكردنی نرخی بەنزین، بڕیاریدا مۆڵەتی هاوردەكردنی بەنزین بە بازرگانان بدات.
بەگوێرەی فەرمانێكی وەزاری، كە ئەمڕۆ پێنجشەممە بە واژۆی كەمال محەمەد ساڵح، وەزیری سامانە سرووشتییەكان دەرچووە، تێیدا هاتووە لەبەر بەژرەوەندی گشتی و بەمەبەستی رێگەگرتن لە روودانی قەیران و بەرزبوونەوەی نرخی بەنزین، بڕیارماندا رێگەپێدان بە هێنانی بەنزینی بازرگانی لە بازگەكانی نێوان حكومەتی هەرێم و حكومەتی فیدراڵ بدەین بەمەبەستی زیادبوونی بڕی پێویست لە وێستگەكان و دابەشكردنی بەسەر هاووڵاتیاندا.
فەرمانكە لە ئەمڕۆە كاری پێدەكرێت و مەرجە بەنزینە هاوردەكراوە بەپێی رێنمایی و ئەو كوالێتییە بێت كە لەلایەن لیژنەكانی بەڕێوەبەرایەتیی نەوت و كانزاكان و پارێزگاكان دیاریكراوە.
