راچڵەکین-
نەرمین مەعروف، ئەندامی لیژنەی دارایی پەرلەمانی عێراق رایگەیاند: لە کۆبونەوەکەی ئەمڕۆدا تەیف سامی، وەزیری دارایی عێراق پێی وتین، کۆتایی هەفتە مووچە دەنێرین.
ئەمڕۆ تەیف سامی وەزیری دارایی عێراق رۆشتە پەرلەمان و کۆبوونەوەیەک لە نێوان ئەنجوومەنی وەزیران و لیژنەی دارایی پەرلەمانی عێراق لەبارەی كێشەكانی مووچە و بودجە و پارەی پڕۆژەكان چەند بابەتێكی دیكە ئەنجام درا.
تەیف سامی لە کۆبوونەوەکەدا رایگەیاند، کە وردبینی لیستی مووچەی مووچەخۆرانی مەدەنی هەرێمی کوردستان تەواوبووە و تا پێنجشەممە پارەی مووچە رەوانەی هەرێم دەکرێت.
لەبارەی مووچەی هێزە ئەمنییەکانەوە وتی، تەنیا مووچەی هێزە ئەمنییەکان دەمێنێتەوە کە چاوەڕوانین وردبینیکردنیان تەواو ببێت و لیستەکەیان لەلایەن دیوانی چاودێری داراییەوە پێبگات.