راچڵەکین-
بریکاری وەزارەتی دارایی عێراق هۆکاری نەناردنی مووچەی
فەرمانبەرانی هەرێمی لەلایەن بەغداوە ئاشکرا کرد.
مەسعود حەیدەر بریکاری وەزارەتی دارایی عێراق بڵاویکردەوە:
بەپێی یاسا و رێنماییەکان، دیوانی چاودێری دارایی پێداچوونەوە بۆ خەرجی دەوڵەت دەکات بۆ ھەموو مانگەکانی یەک
ھەتا مانگی شەش، واتا خەرجی نیو ساڵ بەوانەی هەرێمی کوردستانیشەوە.
ئاماژەی
بەوەشکرد: پێداچوونەوەکە بەردەوامە، وەزارەتی دارایی / فەرمانگەی موازنە هەوڵی
تەواو دەدەن بۆ تەواوکردنی پێداچوونەوەکان لە کەمترین ماوەدا و داواکردن لە فەرمانگەی
ژمێریاری بۆ خەرجکردنی مووچەی فەرمانبەرانی هەرێم.
باسی لەوەشکرد:
گرنگە وەزارەتی دارایی هەرێم بە زووترین کات لیستی مووچەی مانگی هەشت رەوانەی
وەزارەتی دارایی عێراق بکات، بە تەواوبوونی پێداچوونەوەی مانگەکانی پێشوو لە
مانگەکانی داهاتوو مووچەی هەرێم دواناکەوێت.
مەسعود حەیدەر
روونیشیکردەوە: وەزارەتی دارایی فیدراڵی هەموو جوهدێک دەکات بە هەماهەنگی لەگەڵ
دیوانی چاودێری دارایی کارە ئیدارییەکان تەواو بکات و مووچە بنێرێت، ناردنی مووچەی
فەرمانبەرانی هەرێم هیچ کێشە و گرفتێکی نییە و دەنێردرێت و لە مانگەکانی
داهاتووشدا کێشەی نابێت.