ڕاچڵەکین سپۆرت -
کارلۆ ئەنچیلۆتی ئیتاڵی و ڕاهێنەری ڕیال مەدرید کاندیدی خۆی ئاشکرا کرد بۆ بەدەستهێنانی خەڵاتی باڵۆن دۆر بۆ باشترین یاریزانی جیهان لە ساڵی 2024.
ئەنچیلۆتی چەند یاریزانێکی کاندید کرد بۆ بەدەستهێنانی خەڵاتی باڵۆن دۆر، بەڵام پێی وایە یاریزانی باڵی تیپەکەی ڤینیسیۆس جونیۆر پاڵێوراوی یەکەمە بۆ بەدەستهێنانی باشترین یاریزانی جیهان.
کارلیتۆ لە لێدوانێکی ڕۆژنامەوانیدا وتی، “دەبینم کە بێلینگهام و ڤینیسیۆس و ڕۆدری پاڵێوراون بۆ بردنەوەی خەڵاتی تۆپی زێڕین، بەڵام ڤینی وەک زۆرترین ئەگەری بەدەستهێنانی خەڵاتی باڵۆن دۆر دەمێنێتەوە.”
ڕاهێنەری ڕیال مەدرید وتیشی: ڤینیسیۆس سەرکەوتوو بوو لە بردنەوەی نازناوی چامپیۆنزلیگ و خولی ئیسپانی لەگەڵ ڕیال مەدرید، هەروەها حەز دەکەم ستایشی محەمەد سەڵاح و ڕۆدری و بێلینگهام بکەم.
ڕاهێنەرە ئیتاڵییەکە ئاماژەی بەوەشکرد، نازناوی بەکۆمەڵ گرنگترە لە نازناوی تاکەکەسی بۆ یاریزانانی ڕیال مەدرید، هەردوو نازناوی خول و چامپیۆنزلیگ گرنگترە لە تۆپی زێڕین بۆ یاریزانانی تیپەکەم”.