بە وتەی وەزیری کارەبای
وڵاتەکە، رێژەی بەکارهێنانی کارەبا لە عێراق رووی لە زیادبوون کردووە.
زیاد عەلی فازڵ وەزیری
کارەبای عێراق رایگەیاند: لە ئێستادا رێژەی بەرهەمهێنانی کارەبا لە وڵاتەکەمان گەیشتووەتە
27 هەزار و 400 مێگاوات.
ئاماژەی بەوەشکرد: بەکارهێنانی
کارەبای نیشتمانی لەلایەن هاوڵاتییانەوە بە رێژەی %20 زیادیکردووە لە هاوینی
ئەمساڵدا، هۆکاری ئەمەش دەگەڕێتەوە بۆ بەرزبوونەوەی پلەکانی گەرما و بەکارهێنانی
فێنککەرەوەکان لەلایەن هاوڵاتییانەوە.
باسی لەوەشکرد:
وەزارەتەکەمان بە هەماهەنگی لایەنە پەیوەندیدارەکانی دیکە لە هەوڵەکانی بۆ
چارەسەرکردنی کێشە گرفتەرکانی کارەبا بەردەوامە.