ڕاچڵەکین سپۆرت -

 

ئەمڕۆ یەکشەممە، ڕاپۆرتێکی ڕۆژنامەوانی ئیسپانیا دوایین پێشهاتەکانی سەبارەت بە ئەگەری گواستنەوەی دانی ئۆلمۆ، ئەستێرەی لایپزیگ بۆ بەرشەلۆنە ئاشکرا کرد.

ناوی ئۆلمۆ پەیوەندییەکی بەهێزی بە گەڕانەوەی بۆ ڕیزەکانی بلاوگرانا هەبووە، کە لە ڕێگەیەوە دەستی بە ژیانی تۆپی پێی کردووە، پێش ئەوەی بچێتە ڕیدبول سالزبۆرگ و لەوێشەوە بۆ لایپزیگ.

ئۆلمۆ لە پاڵەوانێتی یۆرۆی 2024، و بەشداریکردنی لە بردنەوەی نازناوەکە بۆ ئیسپانیا، بلاوگرانا بڕیاریدا بیگەڕێنێتەوە بۆ ڕیزەکانی خۆی، بەڵام ئەوەندە ئاسان نییە.

بەپێی ڕۆژنامەی مۆندۆ دیپۆرتیڤۆی کەتەلۆنی، لایپزیگ پابەندە بە بەدەستهێنانی بەهای تەواوی بڕگەی ئازادکردنی (60 ملیۆن یۆرۆ)، سەرەڕای ئەوەی لە 20ی تەمموزدا کۆتایی دێت.

ڕۆژنامەکە ئاماژەی بەوەشکردووە، لایپزیگ لە بنەڕەتدا نایەوێت ئۆلمۆ بفرۆشێت، بەڵام پێشتر بەڵێنی پێداوە ئەم هاوینە دەستبەرداری ببێت، ئەگەر ئەمە خواستی ئەو بێت.

بەرشەلۆنە ڕێککەوتنەکەی لەگەڵ ئۆلمۆ تەواو کرد لەسەر هەموو وردەکارییەکانی پەیوەست بە گرێبەستەکەی، بەڵام هێشتا ماوەتەوە بۆ ڕێککەوتن لەگەڵ یانەکەی.

یانە کەتەلۆنییەکە دەیەوێت بڕی 40 ملیۆن یۆرۆ بدات، جگە لە 20 یۆرۆی دیکەی گۆڕانکاری، کە لە کۆتاییدا دەگاتە ئەو بڕە پارەیەی کە لە لایپزیگ داوای دەکات.

بەڵام یانە ئەڵمانییەکە پابەندە بە بەدەستهێنانی بەهای تەواوی بڕگەی ئازادکردنەکە، ئەمەش ئەوەیە کە بەرشەلۆنە ئاواتەخوازە بیگۆڕێت.

ئەگەر لایپزیگ بڕیاریدا نەرم و نیان بێت لە شێوازی پارەدانی گرێبەستی ئۆلمۆ، ئەوا یاریزانەکە دەستبەجێ دەگەڕێتەوە بۆ بلاوگرانا.