راچڵەکین-
لە شاری کەرکوک و
لەلایەن کەسانی نەناسراوەوە، تەقە لە بارەگاکانی یەکێتی نیشتمانی کوردستان و پارتی
دیموکراتی کرا.
محەمەد عوسمان
کادری یەکێتی نیشتمانی کوردستان رایگەیاند: بەرەبەیانی ئەمڕۆ شەممە، لە گەڕەکی
عەرەفەی شاری کەرکوک تەقە لە بارەگایەکی حزبەکەمان کراوە و تەقەکەرەکان سوودیان لە
ئۆتۆمبێلێکی جۆری ئۆپڵ وەرگرتووە بۆ ئەو کارە.
لە هەمانکاتدا
ئارام جەباری کارگێڕی لقی سێی پارتی دیموکراتی کوردستان لە کەرکوک وتی: چەند
چەکدارێک کە رووخساری خۆیان داپۆشیبوو، بەرەبەیانی ئەمڕۆ تەقەیان لە بارەگاکەمان
کردووە و لەلایەن پاسەوانانی بارەگاکەشەوە وەڵامدراونەتەوە.