راچڵەكین -
مەكتەبی سیاسی یەكێتیی نیشتمانیی كوردستان پەیامێكی پیرۆزبایی بەبۆنەی یادی دامەزراندنی گۆڕان، ئاڕاستەی سەركردایەتی بزوتنەوەكە دەكات و رایدەگەیەنێت: راستكردنەوەی رێڕەوی حوكمرانیی و خزمەتی زیاتری كۆمەڵانی خەڵكی كوردستان، ئامانجی هەموو هێزە دەربەستەكانی كوردستانە.
دەقی پەیامەكە..
بەڕێزان سەركردایەتی و هەڵسوراوانی بزوتنەوەی گۆڕان
لەساڵیادی دامەزراندنی بزوتنەوەی گۆران پیرۆزبایی گەرم ئاڕاستە خۆتان و هەڵسوڕاو و لایەنگرانتان دەكەین و هیوای سەركەوتنتان بۆ دەخوازین.
ساڵیادی دامەزراندنی بزوتنەوەكەتان هاوكاتە لەگەڵ نزیكبوونەوەی هەڵبژاردنی پەرلەمان كە خەڵكی كوردستان ئومێدی گەورەیان لەسەر هەڵچنیوە بۆ راستكردنەوەی رێڕەوی حوكمرانیی و خزمەتی زیاتری كۆمەڵانی خەڵكی كوردستان، كە پێمان وایە ئەمە ئامانجی هەموو هێزە دەربەستەكانی كوردستانە.
لەكۆتایدا جەخت لە هاوبەشی و پێكەوەیی هەموو هێز و لایەنە سیاسییەكان دەكەینەوە، بە ئاڕاستەی بەرەنگاربوونەوەی ئاڵنگارییەكان و پاراستنی قەوارەی هەرێمی كوردستان و پەرەپێدانی.
جارێكی تر پیرۆزە
مەكتەبی سیاسیی
یەكێتیی نیشتمانیی كوردستان