ڕاچڵەکین سپۆرت -

 

یانەی ئەهلی جددەی، سعودیە، ئامانجی ئەوەیە لە ماوەی گواستنەوەی هاوینەی ئێستادا گرێبەست لەگەڵ ڕیچارلیسۆنی بەڕازیلی، هێرشبەری تۆتنهام هۆتسپێرس بکات.

لە چەند کاتژمێری ڕابردوودا، ڕاپۆرتە ڕۆژنامەوانییەکان نیازی ئەهلییان پشتڕاستکردەوە بۆ کڕینی هێرشبەرەکەی سێلیساو، ئەمەش لەبەر خواستی بەهێزکردنی هێرشی تیپەکە لە وەرزی داهاتوودا.

ڕۆژنامەی "زە تایمز"ی بەریتانی مەرجی سپێرزی ئاشکرا کرد بۆ ئازادکردنی یاریزانە بەڕازیلییەکە لەم هاوینەدا.

ئاشکراشیکرد کە یانە لەندەنییەکە دەیەوێت نزیکەی 60 ملیۆن پاوەند بەدەستبهێنێت لە بەرامبەر فرۆشتنی ڕیچارلیسۆن.

ڕیچارلیسۆنی 27 ساڵ لە هاوینی 2022ەوە لە ڕیزەکانی تۆتنهامە، ئەو کاتە بە 50 ملیۆن پاوەند پەیوەندی بە یانەی تۆتنهامەوە کرد، ئەمە جگە لە 10 ملیۆنی گۆڕانکاری.

بەڵام گەشتەکەی ڕیچارلیسۆن لەگەڵ سپێرزی ئینگلیزی نایاب نەبوو، چونکە لە ماوەی 66 یاریدا لە پاڵەوانێتییە جیاوازەکاندا تەنها 15 گۆڵی تۆمارکردووە.