راچڵەكین-
محەمەد شیاع سودانی سەرۆک وەزیرانی عێراق بە ئامادەبوونی
وەزیری کارەبای وڵاتەکەی، هێڵی کارەبای تورکیا – عێراقی کردەوە، لە رێگەی وێستگەی کەسک
کە دەکەوێتە قەزای تەلەعفەری پارێزگای
نەینەوا.
نوسینگەی سەرۆک وەزیرانی عێراق ئاماژەی بەوەکرد: لە
رێگەی پرۆژەکەوە 300 مێگاوات کارەبا لە تورکیاوە دەگاتە وێستگەی ناوبراو بۆ ئەوەی
بدرێت بە پارێزگاکانی نەینەوا، سەڵاحەدین و کەرکوک.
هاوکات محەمەد شیاع سودانی وتی: ئەم پرۆژەیە ماوەی 20
ساڵە راگیراوە و لە کۆتاییەکانی سەدەی رابردووشەوە پلانی بۆ دانرابوو، ئەمڕۆ بە
هەوڵی عێراقییەکان جێبەجێکرا، گرنگی پرۆژەکەش لەوەدایە، یەکەمجارە پێکەوەبستنی
نێودەوڵەتیمان لەگەڵ تورکیا و لەوێوە بۆ ئەوروپا دەبێت.