راچڵەکین-
دەزگای ئاسایشی
نیشتمانیی عێراق بڵاویکردەوە: بە پشتبەستن بە زانیاری وردی هەواڵگری کە چەند
مانگێکی خایاند، هێزەکانمان توانیان مەترسیدارترین سەرکردەکانی داعش دەستگیربکەن.
ئاماژەی بەوەشکرد:
تیرۆرستەکە ناوی (ئەبو هبە)یە و دوای لێکۆڵینەوەکان دانی بەوەدا ناوە کە لە ریزەکانی
رێکخراوی تیرۆرستی داعشدا کاری کردووە و وەکو بەرپرسی ئەمنی رێکخراوەکە لە فەلـلوجە
کاری کردووە.
باسی لەوەشکرد: هاوکات ناوبراو
دانی بەوەشدا ناوە، گۆڕستانێک لە فەلـلوجە بوونی هەیە کە تەرمی کارمەندانی دەزگا
ئەمنییەکان و هاوڵاتییانی مەدەنی تێدایە و خۆیشی بەشداربووە لە کوشتنیان.
دەزگای ئاسایشی
نیشتمانیی عێراق روونیشیکردەوە: لێکۆڵینەوەکان لەگەڵ سەرکردەکەی داعشدا بەردەوامە
و تەرمی سێ لە قوربانییەکانی دەستی رێکخراوەکە لە گۆڕستانە ئاماژەپێکراوەکەدا دۆزراونەتەوە.