راچڵەکین-
ئێوارەی ڕۆژی چوارشەممە، "کەسانی نەناسراو" تەقەیان لە کەسێک بە ناوی "شێخ ئازاد شەهابی" و دوو دەروێشی هاوەڵی لە سەقز-ی ڕۆژهەڵاتی کوردستان کردووە.
لەم هێرشەدا دوو کەس لەگەڵ شێخ ئازاد شەهابی بە ناوەکانی "پیمان و پەرویز" گیانیان لەدەست دا و شێخی ناوبراویش سەرلەبەیانی ئەمڕۆ لە نەخۆشخانەی سەقز بەهۆی سەختی برینەکەیەوە گیانی لەدەست دا.
ئاژانسی "تەسنیم" لە زاری بەرپرسی پۆلیسی سەقز-ەوە وێڕای پشتڕاستکردنەوەی هەواڵی تەقەکردنەکە و نووسیویەتی پۆلیس لە هەوڵدایە بۆ "ناسینەوە و دەستگیرکردنی بکوژ یان بکوژەکان"ی ڕووداوەکە.
بەرپرسی پۆلیسی شاری سەقز وتی: پۆلیس سەرەداوی باشی لەم بارەوە دەستکەوتووە، کە بەم زووانە بڵاودەکرێنەوە.