راچڵەكین-
بەهۆی تێكچوونی باری تەندروستی میری كوەیت گەیەندرایە نەخۆشخانە.
ئەمڕۆ چوارشەممە، ئاژانسی دەنگوباسی فەرمی كوێت (كۆنا) بڵاویكردەوە، شێخ نەواف ئەحمەد جابر ئال سوباح میری وڵات، بەهۆی تێكچوونی باری تەندروستی و حاڵەتێكی لەناكاو، گەیەندرایە نەخۆشخانە.
ئاژانسەكە لە زاری وەزیری دیوانی میرییەوە رایگەیاند"سەرلەبەیانی ئەمڕۆ میری كوەیت، بەهۆی تێكچوونی باری تەندروستی و حاڵەتێكی لەناكاوەوە، بۆ وەرگرتنی چارەسەری پێویست و ئەنجامدانی پشكنینی پزیشكی، گەیەندرایە نەخۆشخانە، لەئێستاشدا باری تەندروستی جێگیرە".