راچڵەكین- 

نرخی دۆلار لەكاتی داخستنی بازاڕدا هەندێك دابەزینی بەخۆوەبینی و 100 دۆلار بە 160 هەزار و 250 دینار مامەڵەی پێوەكرا. 

ئێوارەی ئەمڕۆ دووشەممە، نرخی 100 دۆلاری ئەمریكایی لە بۆرسەكانی هەولێر و سلێمانی، بە 160 هەزار و 250 دینار مامەڵەی پێوەكرا، ئەمەش بەراورد بە نرخی كردنەوەی بازاڕ كە 100 دۆلار بە 160 هەزار و 500 دینار بوو، هەندێك دابەزینی بەخۆوەبینی. 

وێڕای رێكارەكانی بانكی ناوەندی و حكومەتی عیراق بۆ دابەزاندنی نرخی دۆلاری ئەمریكایی لەبەرامبەر دراوی نیشتمانی، بەڵام تائێستاش نرخی دراوە سەوزەكە لەبەرامبەر دیناری عیراقی، ئاستێكی بەرز تۆماردەكات.