راچڵەکین –
 پەرلەمانی کوردستان لیژنەیەك بۆ پاڵاوتنی ئەندامانی کۆمسیۆنی هەڵبژاردن پێکدەهێنیت و حەوت ئەندامی نوێ لە بری پەرلەمانتارە دەستلەکارکێشاوەکان سوێندی یاسایی دەخۆن.

ئەمڕۆ دووشەممە، پەرلەمانی کوردستان بڵاویکردەوە رۆژی پێنجشەممەی داهاتوو دانیشتنی پەرلەمان بەڕێوەدەچێت و تێیدا لیژنەیەكی تایبەت بە پاڵاوتنی ئەندامانی ئەنجوومەنی كۆمسیاران پێکدەهێنرێت.
روونیشیکردەوە کە لە دانیشتنەکەدا حەوت پاڵێوراو لە بری حەوت پەرلەمانتارە دەستلەکارکێشاوەکەی یەکگرتوو، گۆڕان و نەوەی نوێ سوێندی یاسایی دەخۆن و پێکهاتوون لە:
١ - (حسێن عوسمان شەریف عومر)، لە شوێنی ئەندامی دەستلەكاركێشاوە (شێركۆ جەودت مستەفا).
٢ - (ئیسلام سەعدی عەلی مامەك)، لە شوێنی ئەندامی دەستلەكاركێشاوە (ئەبوبەكر عومەر عەبدوڵا).
٣ - (عەبدوڵا حەسەن حەمەد حەسەن)، لە شوێنی ئەندامی دەستلەكاركێشاوە (ئیسماعیل عەلی تەها).
٤ - (لەیلا عەلی عەبدولعوزیز محەمەد)، لە شوێنی ئەندامی دەستلەكاركێشاوە (سەرچنار ئەحمەد مەحمود).
٥ - (بیروان فەقی ئیسماعیل باسو)، لە شوێنی ئەندامی دەستلەكاركێشاوە (هەلز ئەحمەد محەمەد حەسەن).
٦ - (دلێر عەبدولخالق حاجی)، لە شوێنی ئەندامی دەستلەكاركێشاوە (عەلی حەمەسالح تەها).
٧ - (مەهدی عەلی عەبدوڵا رەحیم)، لە شوێنی ئەندامی دەستلەكاركێشاوە (كازم فاروق نامیق).