راچڵەكین-

سەرۆككۆماری توركیا وادەی ئەنجامدانی هەڵبژاردنەكانی ئەو وڵاتە پێش دەخات و رایدەگەیەنێت، بڕیارەكەی پشتبەستووە بە ماددەی 116ی دەستوری توركیا.

رەجەب تەیب ئەردۆغان، ئەمڕۆ هەیینی 10-3-2023 رایگەیاند:" بەپێی ئەو دەسەڵاتەی كە لە ماددەی 116هەمینی دەستوورماندا هەیە، بڕیاری گۆڕینی وادەی ئەنجامدانی هەڵبژاردنم لە 18ی حوزەیرانەوە بۆ 14ی ئایار واژوو كرد".

ئەردۆغان، وتیشی:" ئەنجامدانی هەڵبژاردن لە 14ی ئایارە،دوای ئەم بڕیارە كە سبەی لە رۆژنامەی فەرمی بڵاو دەكرێتەوە،كۆمسیۆنی باڵای هەڵبژاردنەكان دەست بە رێككاری ئەنجامدانی هەڵبژاردنەكان دەكات".