راچڵەکین –
بەڕێوەبەری کەشناسی سلێمانی رایدەگەیەنێت کە شەپۆلی بارانبارین تا شەو بەردەوام دەبێت و ئاستی بارانبارینیش بە بەروارد لەگەڵ ئەم کاتەی ساڵی رابردوو 100 ملیمەتر زیاترە.

ئەمڕۆ پێنجشەممە، ئاسۆ کەمال، به‌ڕێوه‌به‌ری كه‌شناسی و بومه‌له‌رزه‌زانی سلێمانی رایگەیاند لە ماوەی 24 کاتژمێری رابردوودا 104.2 ملیمەتر باران لە سلێمانی باریوە بەوەش کۆی گشتی باران بۆ 454.5 ملیمەتر بەرز بووەوە.

روونیشیکردەوە کە ئاستی باران بە بەراورد بە ئەم کاتەی ساڵی رابردوو زیاتر کە پار 336 ملیمەتر باری بوو.

بەڕێوەبەری کەشناسی سلێمانی ئوەشیخستەڕوو کە شەپۆلی بارانەکە تا شەو بەردەوام دەبێت و سبەینێ هەینیش ئاسمان ساماڵ و پەڵەهەور دەبێت.