راچڵەكین-

دەستەی باڵای حەج و عومرە لە عیراق رایگەیاند، مەرجی تەمەن كە بۆ وەرزی ئەمساڵی سەردانی ماڵی خودا دیاریكرابوو، بۆ ساڵی داهاتوو نامێنێت.

سامی مەسعودی، سەرۆكی دەستەی حەج و عومرە لە لێدوانێكی رۆژنامەوانیدا ئاماژەی بەوەكرد: " سعوودیە بۆ وەرزی ئەمساڵی حەج تەمەنی 64 ساڵ بەرەو خوارەوەی دیاریكردبوو و پشكی عێراقیش تەنها بە 16 هەزار زیارەتكار دیاریكردبوو، بەڵام بۆ ساڵی داهاتوو ئەوە نامێنێت :"

وتیشی:"كەمكردنەوەی ژمارەی زیارەتكارانی ماڵی خودا بۆ ئەمساڵ بە بڕیاری عەرەبستانی سعودییە بوو، لەبەر ئەوەی ویستی وەرزی ئەمساڵی حەج تەنها وەك تاقیكردنەوەیەك بێت دوای كرانەوەی رێكارەكانی پەتای كۆرۆنا".

راشیگەیاند: "ئەو بڕیارەی سعودیە تەواوی وڵاتانی جیهانی گرتووەتەوە، بۆ ئەمساڵ ژمارەی زیارەتكارانی ماڵی خودا لە سەراسنەری جیهان تەنها یەك ملیۆن كەس بووە".