راچڵەكین-
كەتایون ریاحی، خانمە ئەكتەری ناسراوی ئێران كە لە درامای یوزارسیف-دا رۆڵی زوڵەیخای دەگێڕا، هونەرمەند "سەعید پور سەمیمی" ئەكتەری خاوەن ئەزمونی وڵاتەكەی بە گێچەڵ و دەستدرێژی سێكسی تۆمەتبار كردووە.
كەتایۆن لە هەژماری خۆی لە تۆڕی كۆمەڵایەتی ئینستاگرام لە ستۆری وێنەیەكی پور سەمیمی بڵاوكردووەتەوە و ئەكاونتی ٨٠٠ خانمە هونەرمەندی بواری سینەمای داناوە و پەردەی لەسەر دەستدرێژی و گێچەڵی سێكسی ئەو هونەرمەندە لاداوە.
زوڵێخا، دەڵێت:" پور سەمیم كە ڕۆڵی لێكۆڵەرەوەی بینیوە، پێگەی خۆی خراپ بەكارهێناوە و هێرشی كردووەتەسەری و گێچەڵی سێكسی پێكردووە، بە كاتێكی سەختدا تێپەڕیەوە و هیچ شتێكی نەوتووە، دوای ٢٥ ساڵ هێشتا لەم رووداوە دڵتەزێنە چاك نەبووەتەوە و ئازارەكانی ماوە."
" لەبیرت بێت ئەگەر سامان و ناوبانگ و دەسەڵات كۆنتڕۆڵ نەكرێت، ئەگەر رەوشت و یاسا دەسەڵاتیان نەبێت، ئەوە گەندەڵی و چەوساندنەوەیە لە هەموو شوێنێك حوكم دەكات."
كەتایون كە بە جوانییەكی سەرنج راكێش ناسراوە، ئێستا لە تەمەنی ٦٠ ساڵیدایە و پاش بەشداریكردنی لە نزیكەی ٢٠ فیلمی سینەمایی و دراما، یەكجار خەڵاتی باشترین ئەكتەری لەسەر ئاستی ئێران بەدەستهێناوە، تاوەكو ئێستا دوو جار هاوسەرگیریكردووە و خاوەنی كوڕێكە.
