راچڵەكین-

نرخی ئەمپێری موەلیدەی ئەهلی بۆ مانگی 3 لەسنووری شاری سلێمانی دیاریكرا. هاوكات بەرنامەی كاركردنی مولیدەی ئەهلی لە مانگی رەمەزاندا گۆڕانكاری بەسەردا هات.

بەگوێرەی راگەیەندراوێكی بەڕێوەبەرایەتی گشتی كارەبا لەسلێمانی، ئەمڕۆ یەكشەممە‌ (2022/4/3) لیژنەی سەرپەرشتیاری موەلیدە ئەھلییەكانی سلێمانی بۆ هەژماركردنی نرخی كارەبای موەلیدە ئەهلییەكان كۆبونەوە و بەگوێرەی نرخی گازۆیل و كاتژمێرەكانی كاركردن نرخی ئەمپێرێك كارەبای موەلیدەی ئەهلی بۆ مانگی رابردو (ئازار) لە نێوان (14) هەزار دینار بۆ (14.500) هەزار دینار دەبێت،بەهۆی جیاوازی كارپێكردنی موەلیدەكان‌یش لەگەڕەكێك بۆ گەڕەكێكی دیكە، نرخی ئەمپێڕێك كارەبای موەلیدەی جیاواز دەبێت.
 
ئەوەش روونكراوەتەوە، سەبارەت بەكاركردنی موەلیدەش بۆ ئەم مانگە بەم شێوەیە دەبێت بەیانیان لە  (7)ـی بەیانی تا سەعات (8:00)ـی بەیانی كاردەكەن، دوای نیوڕوانیش لە كاتژمێر (3)ی دوای نیوەڕۆ تا 4:30 بەرەبەیانی كاردەكەن و لە ماوەیەدا هەركاتێك كارەبای نشتیمانی كوژایەوە پێویستە موەلیدەكان كارەبا دابین بكەن بۆ هاوڵاتیان.