راچڵەکین-

وتەبێژی وەزارەتی ئەوقافی حکومەتی هەرێمی کوردستان دەڵێت، ئێوارەی ئەمڕۆ هەینی 1-4-2022، لیژنەی باڵای بینینی مانگ بڕیار لەیەکەم رۆژی مانگی رەمەزان دەدات.

نەبەز ئیسماعیل، وتەبێژی وەزارەتی ئەوقاف و کاروباری ئاینی حکومەتی هەرێمی کوردستان بە راچڵەکین-ی راگەیاند، ئێوارەی ئەمڕۆ هەینی 1-4-2020، لیژنەی باڵای بینینی مانگ بە هاوکاری لیژنە لاوەکییەکان لە پارێزگاکانی هەرێمی کوردستان بۆ دیاریکردنی یەکەم رۆژی مانگی رەمەزان چاودێری بینینی مانگ دەکەن. 

وتەبێژی وەزارەتی ئەوقاف دەشڵێت:" ئەگەر مانگی شەعبان 29 رۆژ بێت  و مانگ بیندرا ئەوا رۆژی شەممە 2-4-2022، دەبێتە یەکەم رۆژی مانگی رەەمەزان، بەڵام ئەگەر مانگی شەعبان  30 رۆژ بێت و مانگ نەبینرا ئەوا رۆژی یەکشەممە یەکەم رۆژی مانگی رەمەزانە".