راچڵەكین-
برایەكی نەجمەدین فەرەج ناسراو بە ( مەلا كرێكار) رەتیدەكاتەوە رەزامەندبن لەسەر گێڕانەوەی براكەیان بۆ هەرێمی كوردستان بەمەبەستی دادگاییكردنی.
خالد رەنجدەر، لەهەژماری خۆی ئاماژەی بە لێدوانێكی محەمەد حەكیم- وتەبێژی كۆمەڵی دادگەری كوردستان كردووە بۆ میدیایەكی ناوخۆیی كە تیایدا وتوویەتی :" چەند جار داوام لە سەرۆك كۆمار و سەرۆكی هەرێم و سەرۆكی حكومەتی هەرێم كردووە و وەك خۆی داوایكردووە لە لایەن چەند دادوەرێكەوە دادگایی بكرێت و ئەویش بێتەوە لەناو میللەتەكەی خۆیدا بژی."
خالد رەنجدەر، برای مەلا كرێكار لەوبارەیەوە بڵاویكردووەتەوە:" كاتی خۆی كە مامۆستا كرێكار وتی من ئامادەم لە كوردستان دادگایی بكرێم بۆ ئەوەبوو بیسەلمێنیت كە هیچ تاوانێكی نەكردووە."
دەشڵێت:" ئێستا ئێمەی كەسوكاری دەڵێن: بەهیچ شێوەیەك ئامادە نین "بەڵێ" بكەین بۆ دادگاییكردنی مامۆستا كرێكار لە كوردستان و دەرەوەی كوردستان، مەگەر بەزۆر بێت وەك ئەوەی ئیتالیا و نەرویج كردیان."