راچڵەكین-
وەزیری پلاندانانی حكومەتی هەرێمی كوردستان ئاشكرایكرد، ناردنی پڕۆژەیاسای نەوت و غازی عیراق بۆ پەرلەمان، یەكێك بووە لە داواكارییەكانی حكومەتی هەرێمی كوردستان و نەبوونی ئەو یاسایەش هۆكارێكی كێشەكانی نێوان هەولێر و بەغدایە.
د. دارا رەشید، وەزیری پلاندانانی حكومەتی هەرێمی كوردستان بەمیدیاكانی نزیك لەپارتی راگەیاندووە: "دەمانەوێت ئیش لەسەر یاسای نەوت و غاز بكەین، كە لە عیراقیش ھەبێت، چونكە یەكێك لە گرفتەكانمان لەگەڵ بەغدا، نەبوونی یاسای نەوت و غازە، ئەمەش بۆ رێكخستنەوە و مامەڵەكردنە لە بواری نەوت لەنێوان ھەرێمی كوردستان و عیراق".
روونیكردەوە: "ئێمە وەك ھەرێمی كوردستان یاسای نەوت و غازمان ھەیە، پێشتر لەوبارەوە لەگەڵ شاندەكانی حكومەتی عێراق، قسەمان لەسەر ئەو یاسایە كردووە و ئەوانیش بە باشی دەزانن".