فۆتۆ- ئیبراهیم فەتاح

راچڵەكین-

بەهۆی بارینی بەفر و بوونی تەمێكی زۆرەوە ڕێگەی سەرشاخی گۆیژە بەربەست دەكرێت‌ و هاتوچۆی لێ قەدەغە دەكرێت.

ماوەی دوو رۆژە شەپۆلێكی بەفر و سەرما ناوچە شاخاوییەكانی هەرێمی كوردستان و بەتایبەت دەوروبەری سلێمانی گرتووەتەوە، هاوكات بەفر چیای ئەزمڕ و گۆیژەی سپی پۆش كردووە، ژمارەیەكی زۆر هاووڵاتیش بە ئۆتۆمبێل روویان كردووەتە سەرچیای ئەزمەر و شاخی گۆیژە.

بەمەبەستی رێگری كردن لەهەر رووداوێكی نەخوازراو، پۆلیسی هاتوچۆی سلێمانی، هاتوچۆ كردن بۆ سەر چیای ئەزمەڕ و شاخی گۆیژەی قەدەغە دەكات.

پۆلیسی هاتوچۆی سلێمانی لەراگەیەندراوێكدا ئاماژەی بەوەكردووە:" بەهۆی بارینی بەفر و بوونی تەمێكی زۆرەوە ڕێگەی سەرشاخی گۆیژە بەربەست دەكرێت‌ و هاتوچۆی لێوەناكرێت". 

هاوكات تیمەكانی هاتوچۆ و فریاكەوتن لە ناوچەكە جێگیركراون بۆ رێگریكردن لە ئەگەری هەر رووداوێكی نەخوازراو.