راچڵەكین -

كۆمپانیای دانەغاز داهاتی شەش مانگی یەكەمی ئەمساڵی ئاشكرا دەكات و راشیدەگەیەنێت: قەبارەی بەرهەمهێنانمان لە نەوتی هەرێم بەڕێژەی  3% بەرزبووەتەوە.

كۆمپانیای دانەغاز-ی ئیماراتی كە لەشێكتەری نەوت و غازی هەرێمی كوردستان كاردەكات، راپۆرتی دارایی نیوەی یەكەمی ئەمساڵی بڵاوكردەوەو بەپێی راپۆرتەكە، داهاتی 6 مانگی یەكەمی ئەمساڵی 190 ملیۆن دۆلار بووە، كە 72 ملیۆن دۆلار پوختەی قازانج بووە، ئەمەش بەراورد بەهەمان ماوەی ساڵی پار دابەزیوە، كە لەو ماوەیەدا كۆی داهاتەكەی 222 ملیۆن دۆلار بووە..

كۆمپانیاكە ئاشكرایكردووە قەبارەی بەرهەمهێنانی بەڕێژەی 3% بەرزبووەتەوەو گەیشتووەتە 37 هەزار و 600 بەرمیل لە رۆژێكدا.

بەپێی راپۆرتەكە، هەرچەندە كۆی داهاتەكانی دانەغاز لە نیوەی یەكەمی ئەمساڵدا بەراورد بە هەمان ماوەی ساڵی پار دابەزیوە، بەڵام پوختەی قازانجی لەو ماوەیە بۆ 72 ملیۆن دۆلاربەرزبووەتەوە.

كۆمپانیا ئیماراتییەكە سەبارەت بە وادەی تەواوبوونی پڕۆەژەی (كۆرمۆر 250) ئاشكرایكردووە بڕیاربوو پڕۆژەكە تا كۆتایی ئەمساڵ تەواو بكرێت، بەڵام بەهۆی هێرشە مووشەكییەكەی مانگی نیسانی ئەمساڵ بۆسەر كێڵگەی كۆرمۆر، تەواوكردنی پڕۆژەكە دواكەوت.