ڕاچڵەکین سپۆرت -
یەکێک لە یاریزانە دیارەکانی ڕیزەکانی ڕیال مەدرید دڵنەوایی gاڤی ئەستێرەی یانەی بەرشەلۆنەی دایەوە دوای ئەوەی دووچاری پێکانێکی سەخت بوو.
گاڤی لەکاتی بەشداریکردنی لە یارییەکەی ئیسپانیا بەرامبەر جۆرجیا بە ئەنجامی 3-1، ئێوارەی یەکشەممە، لە گەڕی دەیەمین و کۆتا قۆناغی پاڵاوتنەکانی یۆرۆی 2024، تووشی پێکان بوو.
فیدراسیۆنی ئیسپانیا بەیاننامەیەکی فەرمی لە پێگەی تایبەتی خۆی بڵاوکردەوە و تیایدا هاتووە: گاڤی تووشی پێکانێکی سەخت بووە لە ئەژنۆی ڕاستیدا، بەڵام هەواڵەکان دەریانخستووە کە پچڕانی بەستەرە پێشەوەی ئەژنۆی ڕاستیدا و دەبێت نەشتەرگەری بکات و بەهۆیەوە بۆ ماوەی 9 مانگ لە یاریگاکان دووردەکەوێتەوە.
خۆزێلۆ لە هەژماری تایبەتی خۆی لە ئینستاگرام وێنەیەکی بڵاوکردەوە، کە تیایدا لەگەڵ گاڤی بە درێسی ئیسپانیاوە دەردەکەون و لەسەری نووسیویەتی: ئێمە لەگەڵتانین، تۆ بەهێزتر لە جاران دەگەڕێیتەوە".
