4 هۆكار وادەكات تاڵەكانی قژت زوو سپی ببێت

1177 جار خوێندراوەتەوە کات10:44 بەروار12-06-2019
4 هۆكار وادەكات تاڵەكانی قژت زوو سپی ببێت

ڕاچڵەكین-

زۆر كات دەوترێت سپی بوونی تاڵەكانی قژ پەیوەندی بە چونە تەمەنەوە هەیە بەڵام ڕەنگە زۆر كەس بێ ئاگا بێت لەوەی كە 4 هۆكار ئەگەری سپی بوونی تاڵەكانی قژ زۆر زیاتر و خێراتر دەكەن.

1- نەخواردنی خۆراكی تەندروست:
ئاگاداربە كەمی میلانین لە جەستەدا ئەگەری سپی بوونی تاڵەكانی سەر زۆر خێراتر دەكات، باشتر وایە لە ژەمەكاندا ئەو خۆراكانە هەبێت كە میلانینی تیادایە وەك" ماسی سالمۆن و تەواوی دانەوێڵەكان و گێزەر و سەوزەكان"، جگە لەمانە كەمی ئاستی ڤیتامین D هەمان كاریگەری دەبێت و خواردنی خۆراكە چەورەكانیش دەردانی هۆرمۆنەكان تێكدەدات و دەركەوتنی تاڵە سپیەكان خێراتر دەكات.

2- بەركەوتن بە ماددەی كیمیاوی:
زۆر بەركەوتنی قژ بە ماددە كیمیاویەكان وەك" بۆیاخ و شامپۆ و سابوون و بۆنخۆشكەری هەوا و قڕكەری كیمیاوی و تەواوی سپراكانی بۆ جوانكاری قژ بەكاردەهێنرێت و هەوای پیس هۆكاری سپی بوونی تاڵەكانی قژن"

3-ماندوێتی زۆر:
ئەو كەسانەی بەردەوام لەڕووی جەستەی و دەرونیەوە ماندوون ئەوە تاڵەكانی قژیان لە تەمەنێكی لاویدا سپی دەبێت.

4- گرنگی نەدان بە خاوێنی قژ:
بەردەوام پزیشكانی پێست ڕێنمویمان دەكەن قژمان بە خاوێنی ڕابگرین بۆ ئەوەی كونیلەكانی پێستی سەر بە چەوری و خۆڵ نەگیرێت چونكە خاوێن نەكردنەوەی قژ وەك پێویست ئەگەری سپی بوونی تاڵەكانی قژ زۆر زیاتر دەكات.