پۆلیسی سلێمانی لەبارەی "سایە كەریم" هەڵوێستی خۆی راگەیاند

26339 جار خوێندراوەتەوە کات03:17 بەروار08-06-2019
پۆلیسی سلێمانی لەبارەی

راچڵەكین-

پۆلیسی سلێمانی، هەڵوێستی خۆی لەبارەی كچێكەوە ڕاگەیاند كە خۆی وەك " ئەستێرەیەكی پۆرنۆ" ناساندووە،ڕێكارەكانیشی بۆ دەستگیركردنی ئاشكرا كرد.

دوای ئەوەی كچێكی كورد بەناوی سایە كەریم كە بانگەشەی ئەوە دەكات، لە سلێمانی نیشتەجێیە، بە شێوەی ڤیدیۆی ڕاستەوخۆ ڕای گەیاند، لەمەودوا وەك ئەستێرەیەكی فیلمە پۆرنۆكان كار دەكات و سێ تۆماری ڤیدیۆیی سێكسیشی بڵاوكردەوە، كاردانەوەیەكی زۆری لێ كەوتەوە.

نەقیب سەركەوت ئەحمەد، بەرپرسی ڕاگەیاندن و پەیوەندییەكانی بەڕێوبەرایەتیی پۆلیسی پارێزگای سلێمانی ڕایگەیاندووە: "ھەر كەسێك لەناو تۆڕە كۆمەڵایەتییەكاندا سووكایەتی بەخۆی بكات، یان ئاژاوە و فیتنەیەك بنێتەوە، پێویستە داواكاری گشتی سكاڵا بجووڵێنێت، چونكە پۆلیس بەبێ بڕیاری دادوەر و داواكاری گشتی، ناتوانێت تەداخولی ئەو كەیسە بكات، بۆیە ئەگەر ئێمە شوێنی سایە كەریم بشزانین، ناتوانین دەستگیری بكەین، تەنھا بە بڕیاری دادگا دەتوانین ئەو كچە دەستگیر بكەین." وەك باسنیوز بڵاویكردووەتەوە.

وتیشی:" بڵاوكردنەوەی گرتە ڤیدیۆییەكان لەلایەن ئەو كچەوە، پێچەوانەی دابونەریتی كۆمەڵگەی كوردییە و ”پێویستە داواكاری گشتی لە پێناو بەرژەوەندیی گشتی، ئەو كەیسە بجووڵێنێت، چونكە ئەو كارە مافی گشتی تێدایە و مافی گشتی دەفەوتێنێت، بێگومان ھەر كاتێك دادگای لێكۆڵێنەوە فەرمانی دەستگیركردنی بۆ ئەو كچە دەركرد، ئەوكاتە كەیسەكە دەكەوێتە ئەستۆی پۆلیس و ھێزەكانی پۆلیس بەبڕیاری دادوەر ھەوڵی دەستگیركردنی دەدەن."

نەقیب سەركەوت ئەحمەد، ئاماژەی بەوەش دا:" ڕاستە ھەر كەسێك تەمەنی ١٨ ساڵی تێپەڕاند، ئازادە، بەڵام ناكرێت پێچەوانەی دابونەریتی كۆمەڵگە بجووڵێتەوە، ھەرچەندە تەنھا ئەو كچە ئەو كارە ناكات، خەڵكی دیكەش ھەیە ئەو كارانە دەكات، بەڵام ڤیدیۆی خۆیان بڵاو ناكەنەوە، بۆیە با ئەو كچە ڤیدیۆكانی خۆی بڵاو نەكاتەوە و خۆی نمایش نەكات، بۆ ئەوەی خەڵكی دیكە چاوی لێ نەكات، چونكە بڵاوكردنەوەی ئەو ڤیدیۆیانە دەچێتە چوارچێوەی تێكدانی دابونەریتی كۆمەڵگە، بۆیە پێویستە داواكاری گشتی سكاڵا لەدژی ئەو كچە بجووڵێنێت كە سووكایەتی دەكات."

ئەمە لە كاتێكدایە كە بەپێی هەندێك زانیاری، تەنیا لە ماوەی ٢٤ كاتژمێری ڕابردوودا، دەیان هەزار بەكارهێنەری تۆڕەكانی ئینتەرنێت، بەدوای ناوی (سایە كەریم)دا گەڕاون.