تەمەنی 102 ساڵەو هاوسێیەكی خۆی بەدڕەندەترین شێوە كوشت

1187 جار خوێندراوەتەوە کات05:00 بەروار24-05-2019
تەمەنی 102 ساڵەو هاوسێیەكی خۆی بەدڕەندەترین شێوە كوشت
راچڵەكین-

داواكاری گشتی فەڕەنسا لێكۆڵینەوەكانی لە دۆسێیەكی كوشتنی جێی سەرنج دەستپێكردووە كە خۆی دەبینێتەوە لە كوشتنی ژنێكی تەمەن سەروو 90 ساڵ لەلایەن هاوسێكەیەوە كە ئەویش تەمەنی 102 ساڵە.

چیرۆكی ڕووداوەكە لەوەو دەستپێدەكات كاتێك یەكێك لەكارمەندانی خەڵوەتگەیەكی پیری لە شارۆچكەی شیزی سور مارن لە باكوری فەڕەنسا تەرمی قوربانییە 92 ساڵەكە لەژوورەكەی خۆیدا دەدۆزێتەوە بەكوژراوی، بەجۆرێك شوێنەواری لێدان و شینبوونەوە دیار بووە.

دوای توێكاری بۆ تەرمی قوربانییەكە دەركەوتووە كەلەئاكامی پیاكێشانی توند و لێدان لەسەری، گیانی لەدەستداوە. وەك رۆژنامەی گاردیان بڵاویكردووەتەوە.

دەسەڵاتدارانی فەڕەنسا رایانگەیاندووە، لێكۆڵینەوەكان دەریانخستووە، ئەو كەسەی گومانی ئەوەی لێدەكرێت تاوانەكەی ئەنجامبدابێت، ژنێكی تەمەن 102 ساڵە كە لەژوورێكی تەنیشت قوربانییەكە لەهەمان خەڵوەتگە ژیاوە، لەكاتی قسەكردنیی تۆمەتبارەكەش لەگەڵ تیمی پزیشكی خەڵوەتگەكە خۆی ئاماژەی بەوەكردووە كە كەسێكی كوشتووە.

بەهۆی باری تەندروستیشییەوە، تۆمەتبارەك بەتەمەنەكە ڕەوانەی یەكەمی نەخۆشییە دەرونییەكان كراوە و لێكۆڵینەوەكان لەگەڵیدا دەستیپێكردووە.