ئه‌و ئاماژانه‌ی ده‌ریده‌خه‌ن له‌گه‌ڵ كه‌سێكی خۆپه‌رستدا له‌ په‌یوه‌ندی خۆشه‌ویستیدایت

694 جار خوێندراوەتەوە کات06:42 بەروار13-05-2019
ئه‌و ئاماژانه‌ی ده‌ریده‌خه‌ن له‌گه‌ڵ كه‌سێكی خۆپه‌رستدا له‌ په‌یوه‌ندی خۆشه‌ویستیدایت
ڕاچڵه‌كین-
 
 په‌یوه‌ندی دروست كردن له‌گه‌ڵ كه‌سێكی (نێرگزی) خۆپه‌رست ئه‌زموونێكی باش نیه‌ ، كاریگه‌ری نه‌رێنیت له‌سه‌ر دروست ده‌كات له‌سه‌ر هه‌ست و سۆز و ژیانت به‌ جۆر و ئاراسته‌یه‌كی دیكه‌دا ده‌بات ، هه‌ندێجار له‌ به‌ ئاسته‌م ده‌توانی بزانیت به‌رامبه‌ره‌كه‌ت كه‌سێكی خۆپه‌رسته‌ له‌گه‌ڵت یاخود نا ، ئه‌گه‌ر زانیت چۆن مامه‌ڵه‌ ده‌كه‌یت و به‌ چیدا ده‌زانیت خۆپه‌رسته‌ و ته‌نها خۆی گرنگه‌ ، لێره‌دا نیشانه‌كانی كه‌سانێك ده‌خه‌ینه‌ ڕوو كه‌ له‌ په‌یوه‌ندیدا كه‌سێكی خۆپه‌رسته‌ . 

1-هه‌موو شتێكی بۆخۆی ده‌وێت: 
ته‌نها له‌كاتێكدا ئاماده‌ن گوێ له‌وانی دیكه‌ بگرن گه‌ر باسی خۆی بێت، گفتوگۆ له‌سه‌ر بابه‌تگه‌لێك ناكات گه‌ر به‌رژه‌وه‌ندی خۆی تێدا نه‌بێت،ئەگه‌ر ڕه‌خنه‌ی لێبگیرێت زوو تووڕه‌ ده‌بێت و به‌ هه‌موو شێوه‌یه‌ك به‌رپه‌رچ ده‌داته‌وه‌، هه‌ر بیر و ڕا ، بڕیار ، ئامانج ، بژارده‌ ، له‌ به‌رژه‌وه‌ندی خۆی نه‌بێ قسه‌ی تێداناكات و زوو ئه‌و شوێنه‌ جێده‌هێڵێ . 

2-له‌سه‌ره‌تای ناسینیه‌وه‌ كه‌سێكی دڵڕفێن ده‌رده‌كه‌وێت: 
له‌سه‌ره‌تای ناسینیه‌وه‌ كه‌سێكی زۆر نه‌رم و نیان و به‌ هه‌ست ده‌رده‌كه‌وێ و زۆر پیت وایه‌ كه‌ به‌ به‌خترین مرۆڤیت كه‌سێكی له‌و جۆره‌ت ناسیوه‌ ، چونكه‌ له‌سه‌ره‌تاوه‌ زۆر ده‌پاڕێنه‌وه‌ و هه‌موو كارێك ده‌كه‌ن بۆ به‌ ده‌ستهێنانت، به‌ هه‌موو شێوه‌یه‌ك ده‌یه‌وێت متمانه‌ی خۆی به‌هێز بكات . كرداره‌كانی زیاتر له‌ نواندن ده‌چێ نەك‌ ڕاستی  .  به‌ڵام ئه‌وه‌ هه‌ر ماوه‌یه‌كی كورته‌ و ، هه‌مووی پێچه‌وانه‌ ده‌بێته‌وه‌ . 

3- كه‌رتبوونی كه‌سایه‌تی :
چه‌ند ئاماژه‌یه‌كی دیكه‌ بۆ كه‌سانی خۆپه‌رست كه‌رتبوونی كه‌سێتیه‌تی به‌ جۆرێك جار جار سوپاسگوزار ده‌بێت تۆی هه‌یت ، و هه‌ندێكجاریش هه‌ست به‌ په‌شیمانی ده‌كات كه‌ تۆی به‌ ده‌ست هێناوه‌ و ڕقی لێت ده‌بێته‌وه‌ ، ڕه‌فتار و هه‌ڵسوكه‌وتی له‌گه‌ڵت ده‌گۆڕێت . 

4-ه‌بوونی سنوور :
هه‌میشه‌ كه‌سانی خۆپه‌رست سنوریان بۆ قسه‌ كانیان و كرداره‌كانیان نیه‌ له‌گه‌ڵت ، گوێی پێنادات چی ده‌ڵێت و به‌رامبه‌ره‌كه‌ی نیگه‌ران ده‌كات یاخود نا، وه‌ هه‌میشه‌ كه‌سێكه‌ به‌لێنه‌كانی ده‌شكێنێت و كه‌مترین كات په‌شیمانیه‌كی سووك ده‌رده‌بڕن . 

5-گوێ به‌ هه‌سته‌كانت نادات :
به‌شێكی گرنگی په‌یوه‌ندی خۆشه‌ویستی گرنگیدانه‌ به‌ هه‌ستی یه‌كتر و له‌ هه‌مان كاتدا به‌ ئازادی ده‌ربڕینی هه‌ست و سۆزه‌كانت و بیر و بۆچونه‌كانت بۆ كه‌سی به‌رامبه‌رت ، به‌ڵام له‌ ڕاستیدا له‌گه‌ڵ كه‌سانی خۆپه‌رست دا ئه‌مانه‌ بوونی نیه‌ و زۆر كه‌م یاخود هه‌ر گوێ به‌ هه‌ست و بۆچوونه‌كانت نادات و ته‌نها بۆچوونی خۆی لا گرنگ و به‌ بایه‌خه‌ .