حەسەن روحانی: ترەمپ چەقۆ كێشە و بەدرۆ داوای دانوستان دەكات

57 جار خوێندراوەتەوە کات02:45 بەروار24-04-2019
حەسەن روحانی:  ترەمپ چەقۆ كێشە و بەدرۆ داوای دانوستان دەكات
 
راچڵەكین 
 
حەسەن روحانی سەرۆك كۆماری ئێران رایگەیاند، وڵاتەکەی ئامادەیە دانوستان بکات بەو مەرجەی ئەمەریکا داوای لێبوردن بکات بەهۆی ئەو سزایانەی سەپاندویەتی بەسەریاندا.
 
 رۆحانی، لە کۆبونەوەی کابینەی حکومەتەکەی رایگەیاند، ئەمەریکا هەڵمەتێکی دیکەی پڕوپاگەندەی دژی کۆماری ئیسلامی ئێران دەستپێکردوە، بەڵام ئێمە چۆن لە جەنگ بەرگریی دەکەین، ئامادەشین دانوستان لەگەڵ ئەمەریکا بکەین بەو مەرجەی بەرپرسانی ئەو وڵاتە داوای لێبوردن بکەن.
 
لەبارەی سەپاندنی سزاکان لە لایەن دۆناڵد ترەمپ، سەرۆکی ئەمەریکاوە، رۆحانی دەڵێت، "ئەو کەسێکی چەقۆ وەشێنە و بە درۆ داوای دانوستان و گفتوگۆ دەکات و ملدان بۆ داواکانی ئەمەریکا، خۆبەدەستەوەدان و سەرشۆڕییە".
ئاماژەی بەوەشكرد، ئەمەریکا نایەوێت گفتوگۆ و دانوستان لەگەڵ وڵاتەکەمان بکات و تەنها مەبەستییەتی خەڵکی وڵاتەکە لاواز بکات و جارێکی دیکە بگەڕێتەوە و خاکی ئێران".