دوایی 21 ساڵ لە هاوسەرگیرییان بەبیانوی جیاوازی تەمەن لە یەک جیابونەوە

3441 جار خوێندراوەتەوە کات04:18 بەروار14-03-2019
دوایی 21 ساڵ لە هاوسەرگیرییان بەبیانوی جیاوازی تەمەن  لە یەک جیابونەوە
 
راچڵەكین 
 
 
ژنێكی تەمەن 40 ساڵ كە دانیشتوی پارێزگای هەولێرە  دوای 21 ساڵ هاوسەرگیری بەبیانوی جیاوازی تەمەن لەگەڵ هاوسەرەكەی جیابووە.
 
 
رێبین صباح عەبدوڵڵا، پارێزەری ڕاوێژکاری باسی چیرۆكێكی سەیری جیابونەوەی دووهاوسەر دەكات كاتێك ژنێك بەناوی نەشمیل كەتەمەنی 40 ساڵە رۆژێك كە خاوەن پێنج منداڵ چووەتە نوسینگەی ئەو پارێزەرە  و بۆی باس کردم کە نایەوێ بەردەوام بێ لە ژیانی هاوسەرگیری لەگەڵ مێردەکەی بەهۆی ئەوەی مێردەکەی زۆر لە خۆی گەورەترەو مامەڵەو بیرکردنەوەیان زۆر لەیەک جیاوازە. 
 
 
نەشمیل بە پارێزەكەرەكەی وتووە  ئەوان ۲۱ ساڵە هاوسەرگیرییانکردوە و  کوڕە گەورەکەیان لە هەندەرانەو ئەوانی تر لای خۆیان ئەژین ، باسی لەوەش کرد ئەوان زیاتر لە چوار ساڵە هەر یەکەیان بە جیا دەخەون وەک ژن و مێرد مامەڵە لەگەڵ یەک ناکەن" 

 

ئەوپارێزەرە دەڵێت،  نەشمیل داوای لە من کرد کە ڕێگایەکی یاسایی بۆ دابنێم بۆ جیابونەوەی لە مێردەکەی،  دەشڵێت وێڕایی ئەوەی من لە سەرەتا هەوڵم دا ( نەشمیل ) لەم بیرۆکەیەی جیابونەوەی لە مێردەكە ی پەشیمان بکەمەوە پێم وت بۆ سبەی ئێوارە لەگەڵ مێردەکەت وەرە نوسینگەكەم با بزانم کێشەتان چیە.
 
دەشڵێت،  ڕۆژی پاشتر خۆی و مێردەکەی کوڕە ناوەنجیەکەی و براکەی هاتن بۆ نوسینگەکەم ، بە شێوەیەک هاتبوون پێش وەختە لە نێوان خۆیان ڕێکكەوتبون کە ڕاستەوخۆ  داوا  بکەن کە من بە تەڵاقێکێ خوڵعی تەڵاقی کۆتایی بەهاوسەرگیرییان نێوانیان بێنم  و بەر لەوەی من باسی ئاشت بونەوەو ڕێکەوتنیان بۆ بکەم هەردوو لا پێداگیر بوون لەسەر جیابونەوەیان بە تەڵاقی خوڵعی.
 
لەدرێژەی نوسینەكەی دەڵێت، وتیان ئەوە شایەدیشمان ئامادە کردوەو منیش تەنها ئەوەم لەپێش مایەوە کە کۆنوسی تەڵاقی خوڵعیان بۆ ڕێک بخەم و تەڵاقی نێوانیان بکەوێنم لە ڕوویی شەرعیەوە ، دوایی چومه دادگایی باری کەسی هەولێر داوایەکم تۆمار کرد بۆ پەسەند کردنی کونوسی تەڵاقی خولعی نێوان نەشمیل و مێردەکەی و دادگا بەرواری دادبینی دیارکردوو بەڵام  بەر لە بەرواری براکانی نەشمیل تەداخولیان کردوو وتیان بە هیچ شێوەیەک ڕازی نین نەشمیل لە مێردەکەی جیابێتەوەو بە بیانوی ئەوەی لە بنەماڵەی ئەوان تەڵاق و جیابونەوە نەبوە و نابێ .
 
 
بنەماڵەی نەشمیل هەڕەشەی کوشتن و ئازار دانیان لە كچەكەیان  کرد ، وای لێهات نەشمیل ماڵی خۆی جێ بێڵێ بۆ ماوەیەک لەگەڵ کوڕو کچێکی بچوکی لە شارۆچکەیەکی هەرێمی کوردستان بژین ،  بەردەوامیش داوای له من دەکرد به زوترین کات کاری پەسەند کردنی تەڵاقە خولعیەکەی بۆ تەواو بکەم .
 
 رێبینی پارێزەر لەدرێژەی گێرانەوەی چیرۆكەكە باسیی ئەوەدەكات، "منیش لەبەر خاتری مناڵەکانی و داواکاری مێردەکەی چەند جارێک داواکەم دوا دەخست چونکە مێردەکەی بەردەوام داوای لێکردم بواری پێ بدەم تاوەکو نەشمیل پەشیمان بکاتەوە لە بابەتی تەڵاق. هەربۆیە  لەبەر ئەو هۆکارە ئەوەندە داوای پەسەندی  تەڵاقه خولعیەکەی نێوان نەشمیل و مێردەکەیم دواخستبوو خەریک بوو نەشمیل بچێ له سەندیکای پارێزەران سکاڵام لەسەر تۆمار بکا.
  
پارێزەرەكەی نەشمیل دەشڵێت، دوای ئەوە لە کۆتا دادبینی ئەم داوایە وێڕایی هەڕەشە لەسەر ژیانی بەهۆی هەڕەشەی براکانیەوە من وەک پارێزەری نەشمیل بۆ پاراستنی ژیانی ئامۆژگاری ناوبراوم کرد کە بە داپۆشینی دەم و چاوی بە نیقابی عەرەبیەوە بێتە دادگا و لەبەردەم دادوەر ئامادە بێ ، لەوێش بە ئامادەبوونی مێردەکەشی  دوایی سوربونی لەسەر جیابونەوەکە دادوەر تەڵاقەکەی نێوانیانی پەسەند کردو لەو کاتەوە بە شێوەی شەرعی و یاسایی پەیوەندی هاوسەری لە نێوانیاندا بوونی نەما و بە پەلە نەشمیل بە هۆی داپۆشینی دەم و چاوی به نیقابی عەرەبیەوە دادگایی جێهێشت و بەرەو ناونیشانێکی نادیار هەنگاوی نا بۆ ئەوەی ژیانێک دوور لە مێردەکەی و هەڕەشەی براکانی و مناڵ سەر لێشواو داماوەکانی دروست بکا.
 
ئ.خ