حەمید عوسمان لەبارەی بەژداربوونی لە كۆنسێرتەكەی لەیلا فروهەر ڕونكردنەوەیدا

314 جار خوێندراوەتەوە کات09:35 بەروار13-03-2019
حەمید عوسمان لەبارەی بەژداربوونی لە كۆنسێرتەكەی لەیلا فروهەر ڕونكردنەوەیدا
ڕاچڵەكین-

كوڕە گۆرانیبێژ حەمید عوسمان بڕیار وابوو ڕۆژی چوار شەممە لەگەڵ خانمە گۆرانیبێژی فارس لەیلا فروهەر لە شاری سلێمانی كۆنسێرتێك ساز بكات بەڵام حەمید پەشیمان بوونەوەی خۆی ڕاگەیاند.

لە ڕونكردنەوەكەدا حەمید نوسیویەتی"سەبارەت بەکۆنسێرتی ڕۆژی چوارشەممە 13/3/2013 لەهۆڵی سپی چاڤی لاند لەگەڵ خانمە هونەرمەندی فارس لەیلا فروهەر
بەداوای لێبووردنێکی زۆرەوە لەئازیزان و هەوادارانی هونەرەکەم کە من وەک حەمید عوسمان بەشداری کۆنسێرتی ناوبراو ناکەم "

سەبارەت بە هۆكاری ئامادە نەبوونی لەم كۆنسێرتە دەڵێت "لەبەر ئەوەی کۆمپانیای SADA production لەڕۆژی ئەنجامدانی کۆنسێرت پاشگەز بۆتەوە لەو ڕێککەوتنەی پێش وەختەی لەلایەن هەردوو لاوە ڕەزامەندی لەسەر درابوو"

"هەروەها لەڕیکلامی کۆنسێرتەکەدا ،بەداخەوە خانمە هونەرمەند لەیلا فروهەر زۆر بەرجەستە کراوە ،بۆ بچوکردنەوەی هونەرمەندی کورد، 
دووبارە داوای لێبووردن لەهەموو ئازیزان و هەوادارانم دەکەم ،بەڵێنی ئەوەش دەدەم لەکاتێکی نزیکدا لەکۆنسێرتێکی ناوازەدا لەخزمەتاندا دەبم."

حەمید خاوەنی هەوادارێكی زۆرە و چەندین بەرهەمی جیاواز و ناوازەی هەیە.